Čiegus sánit

Čielggas stiilla ja rikkis giellagovaid dáfus, Čiegus Sánit lea erenoamᚠbuorre smiehtadanvearsačoakkáldat, man vearssat dutket agálaš gaskavuođa Ipmila ja olbmo gaskkas. Čoakkáldaga čohkkii Bahá’í oskku vuođđudeaddji sullii jagi 1858, go son váccašii lágasuojaheapmin agálaš jurdagiid siste Tigris-eanu gáttiin. Čoakkáldat lea várra dán čálli dovdoseamos čálus. Čálli čállosat leat leamaš movttiidusagáldun ja rávan miljoniidda olbmuide miehtá máilmmi.

Vaikko badjel jahkečuohti lea vássán das go dát uhca girjjᚠlea čállojuvvon, de Oarjemáilmmis dat dovdojuvvo liikká velá viehka uhccán. Dat lea dál fidnemis vuosttas gearddi stuorit lohkkijovkui dán sierra prentehusas, mii lea ipmillaš movttiidusagáldun ja sielu bajideaddjin.

Čiegus Sánit gullá Bahá’u’lláha almmustusa oaivečállosiidda. Giellahámis, mii seammás lea sihke gohčču, ráhkis ja liekkus, govviduvvo buot oskkuid ieš guovddᚠᚚi, mii lea almmustuvvan dološ profehtaide, namalassii Ipmila ráhkisvuohta olbmuide, sivdnideami dárkkuhus, olbmo vuoiŋŋalaš luondu ja min eallima dárkkuhus. Vaikko Bahá’u’lláha peanna ođasmahtii dán vuoiŋŋalaš vuođu Tigris-eanu gáttis badjel jahkečuohti dás ovdal, de lea girjjis goittot almmálaš sátta, mii orru deháleabbo ja eanet buresboahtán go goassige ovdal máilbmái, mii lea manahan dássedeattus. Ipmillaš sátnin lea Čiegus Sánit beaivválaš gáldu oppa máilmmi olbmuid vuoiŋŋalaš riggudeapmái ja movttiidussii fuolakeahttá čearddalašvuođas, nális dahje ovddit oskoduogážis.

Bahá’u’lláh («Ipmila Hearvásvuohta» dahje «Ipmila Čuovga») riegádii Teheranis jagi 1817 ja jámii Palestinas jagi 1892. Son vásihii eanᚠoasi eallimisttis fáŋgavuođas ja eatnanbáhtarusas. Su eallinhistorjá, mii lea historjá gillámušaid gierdamis fáŋgavuođa, biinnideami, nealggi, váibasa ja beahttašuvvama hámis, lea velá maŋimuš jagiid rádjái uhccán dovdojuvvon Oarjeriikkain fuolakeahttá čeahpes historjáčálliid bajásmearkumiin. Dan sadjái su oahppa, mii lea almmustuvvan čuđiin girjjiin ja celkojuvvon epistolain gonagasaide, presideanttaide, ministariidda ja stuorra oskkuid oaivámuččaide, lea dán jahkečuođi áiggi viidánan garrasit, mii ii livčče sáhttán leat vejolaš mange oskui ovddit áiggiin. Álbmogiidgaskasaš Bahá’í-servodagas lea otnábeaivvi ráđđeaddi sadji Ovttastahtton Nášuvnnain ja álbmotlaš Vuoiŋŋalaš Ráđis lagabui 150 riikkas.

Čiegus Sánit-girjji lassin, mii lea dál vuosttas gearddi jorgaluvvon sámegillii, gávdno dárogillii Glimt fra Bahá’u’lláhs Skrifter. Dasa leat válljejuvvon Bahá’u’lláha dovdoseamos čállosat.